يم العيون الحـــور .. نابدوى وانتى من قضا الحضـور ..بـلاش م الغلا

انقل لكم اليوم قصيدة فيها مناظرة رائعه للشاعر مفتاح الفالح
ارجو ان تنال اعجابكم والان اترككم مع القصيدة :

يم العيون الحـــور .. نابدوى وانتى من قضا الحضـور ..بـلاش م الغلا
يـاسـمـحــــــــــــــــــة الـتـهـمـيـده ..متخالفين رانا مـن اسبـاب عديـده
أنتى من بنات ربت عيت احـــميده ...ونا بـدوى لافي ع البلاد انـــدور
قضيت الطفوله فى أظروف شديـده ..ولافي شبابي شفت يـوم ســــرور
شقي مـن خطــــــــا ليـام والتعقيـده .. قليل الهنا نوعـا معـا لفجــــــــور
ومايهمني وانتي عروس جديــــــده ..ع النوم والكساد انديرلك طرطور
انتـي خذيتـى ع الحيــــــاه السعيـده .. معـا بـوك عنـدك هاديـه لامــــور
عنـدا عليـك حـنـان وتفدفـيـــــــــده .. اتكحـى أحـذاه ايجيبلـك دكتـــــور
وكـل عـام لثينـا أيشيلـك بـيــــــــده ..فى صيفا تقضـى ثـلاث أشهـــــور
دلال علمـك ع الدلـع والتجعـيـــــده ..أللـي تطلبيه اينـفـذا مجـبــــــــــور
ونا بدوي شاعر مونتـى العصيـــده ..وتمـر و حليب وخـبـزة التـنـــــور
أمعاي وين تبقى فـى بـلاد بعيـــــده.. بالله ويــن نلقـالـك البيتيـفــــــــور
قــــــال يــادلــوعـــــــــــــــــــــه .. مليت م الخداع ومن مـراراللوعــه
غلاك ينتها مفروض قبـل أسبوعـه ..أمعاي كانهو سبـع علـي أيجــــــور
مخدوع كنت بالبسمه اللي مصنوعه..كمين ألف مره طحت فى امحضور
وتاجر غلا غشاش فـى مشروعــــه ..هبعـت البنـات ودرتهـن طابـــــور
جميع صوب درتا بركتـا منزوعـــه ..قابيتنـى نحـلـــــــــــف حلوفة زور
ماعـاد أنخـش منطقـة ممنوعــــــــه ..هدانـى الله الـلي رحيـم غـفــــــور
ألقيت ألبكا ممتـاز حاجـه روعـــــه ..أيهـون عللـي خاطـره مكســـــــور
وإن دامآ أقسامي فى الغلا طبوعـــه ..بعـد أيـام تلقيـنـى برافـاســـــــــور
وندرس ع الطـلاب فـى موضوعــه .. واندير معهد عالي للبكا مشهــــور
والطالب أيجيني شايل أمعاه دموعه ..أشروط القبـــــول الحب عنـدا دور
وأهناك فرق بين أبكاه ف المربوعه .. وابكاه ف الخلاه وابكاه للجمهـــور
يام العيون الحـور .. نا بدوي وانتي من قضا الحضــور .. بلاش م الغلا

الى لقاء جديد
لاتنسوا الردود