مازلت نا هي نا.. / الشاعر علي شحات الفاخري

يقول الشاعر علي شحات الفاخري
مازلت نا هي نا.. حتى انكان جبتوا فيّ ميّة دا.. لذيذة اللحم
مازال عندي حرمه..و مازال عظمي هو افواح البرمه
لا نحتاج للسّاطور لا للقرمه..نا الحمي كلـّـه ع المفاصل جا
في الشـّوي في الكباب في الشاورمه.. في الطـّبخ في المكمور خير غداء
مازلت نا الموكول.. الخيره ويسقــّم علي القول
لاني شحم مليان بكرستول.. يسبـّب مرض مزمن قليل دوا
ولاني مثيل الجدي هالهرقول.. اللي وان ذبحه ايدير في ضوضاء
وعظامي طريّه مي عظام عجول..ف القرقضه ديمه اشداد قسا
ولا نريد صيّاده و ناس تجول.. بسلاحــها في كل فجّ خلا
ونكان الخواجه ايديـر فيّ اسبـول.. نا للفقــاره المفلـّسين عفـا
مازلت نا هي نا.. حتى انكان جبتوا فيّ ميّة دا.. لذيذة اللحم
---------------------------------------------------
وهذا رد من شاعر اخر اسمه (بن شويخه)
بعد اطلاعي على قصيدة الشاعر علي شحات الفاخري
حول موضوع انفلونزا الطيور
وعلاقته بالدجاج ، فأحببت أن اشارك الشاعر موقفه المؤازر للدجاجة التى بدورها
لا زالت تقف مع المواطن راقد الريح فى صراعه مع غلاء المعيشة
وارتفاع اسعاراللحوم
فكانت هذه الابيات
مازلت نا محســــوده ..نغذي ف جواجي بوالعين السـوده
نخلي اسماح موّردات خــدوده .. والفخذ من فخــذي يزيد نمـا
من فحم لوني نصبغــــه مكدوده .. ومن لون بيضي يوصفو العضا
والهدب اللي مخلي العرب ممدوده .. من رهف ريشي رقـات بها
والثغر اللي يبرق بياض رعــوده .. من قشر دحيي رافعات لـوا
وحَمَار شفته هلي رقيّـق عــــوده .. من عرف ديكي ساحبه الطـلا
وفى طنجرة هلي ضواء جرعوده .. دقايق وما نعطـل نكون غدا
وفى جوف خاوي شملته مشـدوده .. ننزل ومــــا نخلف وراي لضا
لا نحيّره فى غسل وان أرقــــوده .. ولا نشغله كان الحبيّب جـا
لاجدي لاني عجــــــــل ولا دوده .. موصوفه من ســـيدي الفقي دواء
ولكن زمــان الشايعات وروده .. امخلي بونيـّة العــز عـزا
والمؤتمـر الشعبي يهـد اهدوده .. مّبزم ومو قــادر يدير ندا
مازلت نا هــي نا .. حتى انكان جبتوا فيّ ميّة دا .. لذيذة اللـحم.
مازلت شــــوق الناس .. ومازالت للفقري لحـم وأنصاص
وللطنجرة مازلت نا لانـفاس .. لامقدم ولا موخر ، اســعار رخاء
ومازلت بالعيله انحس أحساس .. بصدري نفاديهم ان صار غلاء
ومازلت للعيل فطـــور وباس .. مع التن بيضي ما عليه اعـــلاء
لا ننزكم لا يصيدني منخاص .. جيبو الطبيب ، وراهنو بســخاء
هذي اشـاعة دارها وســـواس .. من عنز عانس فاتها الشــراء

[ندعوك للتسجيل في المنتدى أو التعريف بنفسك لمعاينة هذه الصورة]

» مازلت ننشد عنك ..
» الدجاجة وأنفلونزا الطيور : مازلت نا هي نا
» ترحيب بالسيد بشير عبداللة الفاخري
» ليش يا غنى ... الشاعر عبدالسلام بو جلاوى
» حوار بين الشاعر وكنته للشاعر علي دبوب